تعرض أمناء الشرطه للتعذيب فى مصر

تعرض أمناء الشرطه للتعذيب فى مصر

14/06/2011
تعرض أمناء الشرطه للتعذيب

بدون حذف أو تعديل

بعد خطف وحجز وتعذيب وهتك عرض عدد 2 افراد شرطة من مديرية امن اسماعلية بدون وجة حق او اتهام اليهم...
-وبعد صدور تقرير طبى بحالة فردين الشرطة واثبات انهم تعرضوا لتعذيب ووجود اصابات بالغة بهم
قام الائتلاف بمجمع 150 توقيع من المواطنين بصحة الواقعة وشهادتهم على خطف وتعذيب
فردين شرطة من مديرية امن اسماعلية.....
وعلية قام امس السيد المستشار/م......حمد قطب محامى الائتلاف العام لامناء وافراد الشرطة بالتوجة الى السيد المحامى العام بمحافظة الاسماعلية لتقديم بلاغ رسمى بالواقعة فى مدير امن اسماعلية ...ومأمور قسم ثالث اسماعلية ....ومدير مباحث اسماعلية
حدثت المفاجاة الكبرى عندما طلب المحامى العام الانتظار لحظات ثم قال اذهبوا لسيد وزير الداخلية صباحآ حتى تقومو بحل المشكلة بطريقة ودية خوفآ من الراى العام او مجازاة السادة الظباط الفاسدين...والمفاجاة الاكبر عندما اعلمآ ان تلك الاوامر صدرت له من النائب العام بشخصة بعد عرض الامر على وزارة الداخلية.....
توجة اليوم اعضاء الائتلاف الى مكتب السيد الوزير لعرض الامر فوجئنآ بالكارثة والصدمة الاكبر بعدم وجود مساعدى الوزير والوزير وتمت مقابلتنا مع ظابط من مكتب السيد الوزير وقال لنا بعد عرض الامر عليه.....واية يعنى اتنين اتحبسوا ظلم....واية يعنى اتعذبوا....هى دى القوانين بتاعتنا اللى عجبوا عجبوا واللى مش عجبوا يقدم استقالة ويمشى....

طيب معلش شوية اسئلة بالبلدى كدة يا جماعة ....
هو ينفع ارواح اقدم بلاغ رسمى لنائب العام وبالمستندات يقلنا حلو المشكلة بطريقة ودية مع وزارة الداخلية ؟؟؟
هو النائب العام مش هو حماية ليا وليك ولكل المصرين من الفاسدين والخارجين عن القانون ولا لحماية وزارة الداخلية وظابطها ؟؟؟
طيب معلش كمان سؤال اسف
لما الامناء والافراد تعرف ان زمايلهم اتخطفوا واتعذبوا وتم هتك عرضهم هيشتغلوا ازاى اصلآ ؟؟؟؟
طيب هو مش المفروض اللى يغلط يتحاسب ؟؟؟؟ ولا هو فى اية بظبط ؟؟؟؟
طيب ما احنا كدة لو قلنا مش هنشتغل وقدمنا استقلات هيحصل فراغ امنى ودة اللى اتقال لينا فى الوزارة قدموا استقالات...يبقا كدة الفراغ الامنى فى صالح مين ؟؟؟؟
طيب ماشى يا وزارة احنا مش هنقدم استقالات وهناخد حقنا